Vuostás vahkku meaddel.. dal jo

Gal dat áigi hurgá.. vahkku jo márkanastán, iige oro go moadde beaivvi golihan!! Gal dáppe lea nu fiinnis ahte sáhtašin áibbas bures deike vaikko fárret, nu mo jo ovddit háve namuhin de dáppe leat máilmme ustitleamos olbmot, vaikko muhtimat dain veháš dološ, nu ujut ii leat leaika :DD gámavuođut dušše oidnostit go doama doama livkkuhit nurke- duohkai..

Numo jo dadjen de vahkku lea hurggihan johtilit, ja in áibbas diehttán mas galgen álgit.. sáhttán muitalit veháš dan skuvlla birra gos lean hárjehallamis. Skuvlla namma lea Jomie skuvla, ja doppe leat seahkalaga inuihta ja eaŋgas/ fránska gielat rivgo- mánát. Sii rahčet mai ollu doalahit giela ja kultuvrra. Eai lean nu beare máŋga čielga inuihta gielat máná, olusat seaguhit eaŋgas ja inuihta giela. Fránska giela gal eai báljo máhte eambbo go fránska mánát. Go galgen hárjehallamii smihtten ahte galggan muhttin beaiveruktui go galgen kindergardenii, muhto kindergarden lea skuvllain fárrolaga. Dat lea dego dakkár ovdaskuvlla 5-jahkkásaččaide, muhto ii bákkolaš. Mánát leat mai nu sivut, duođai gudnejahttet ollesolbmo. Lea hui erenomaš mo sii buohkat, sihke mánát ja ollesolbmot čoahkkanit juohke iđit lášmmohallan latnjii. Vuos sii rávket golmma gillii buorre iđit, dan maŋŋá sii lášmmohallet, ja juohke háve leat golbma máná geat de besset geassit lášmmohallama. Ja buot maŋimužžan sii lávlot vel Canada Álbmotšuoŋa. Ja de fas ráidun luohkkálanjaide.

Gilli muittuha hui min stuorábuš giliid, dego Kauto ja Kárášjoga, muhto dieđus beali stuorát, sullii 6500 ássi.. hui unna stobut ja muhto stuora bearrašat seamma vistiin. Ollu jugešvuohta ja hui hui ollu gárrenmirkot, muhto sihkkarit go gávppis ii fitne alkohola. Na, muhto ii heađáš, dáppe leat olgobáikkit, nu ahte ii leat áibbas bággu searvat eará mirkkuid geahččaladdat..    nuppiin sániin buohkat vulget hui árrat olggos go ruovttuin ii beasa álgit.

Orro Hellinin internáhta lágan vistis “old residence’s”. Gos lea measta buot mai sáhttá dárbbašit, hui boaris gal numo namasge jo gullo, muhto in váidal. Biepmu golmma geardde beaivái, liegga biepmu oktii beaivái..

Muđui hui duhtavaš juohke diŋggain.. vajálduhtten kamera kábela Kautoi, nu ahte in beasa govaid lasáhallat :/

Iqaluitas.. ja vimmat!! :D

Hui, gal dat matki lei guhkki, muhto guihtot dan veara!! :D Guovdageainnos sattaimet jo duorasdaga startet sihkkarastin dihte ahte ollet girdihapmanii aiggil go lei nu heajos dalki ja luottat gitta gaskal Kauto ja Alta. Muhto ii das mihkige go ollimmethan mii aiggil vaihko Suolovuomis saddaimetge vuordit moadde dimmu kolonnavuoddjima.. :p Altai olledettin iddjadeimmet mu oarbmealle Linda luhte. Lavvordat idit de girdileimme Hellinin Osloi. Girdi galggai bissanastit vel Tromsas valdimin odda matkosdeaddjiid mielde.. muhto dat bissanastin fanaige fahkka bissaneapmen. Ean vel lean beassan dalkis.. ja de ii lean go fas fas vuordit moadde dimmu..  Osloi olledettin moai mai iddjadeimme, ja dan heave ges Ellingga ja Kay Ante luhtte ^_^'
Das ovddosguvlui Oslos Londonii, gos buot manai numo lei planejuvvon :DD ja de Londonis Ottawai. Ean lean dindon makkarge hotealla/ orrun saji Ottawas, muhto guihtot manai bures. Go in eallinagis leat deaivan nu ustitlas olbmui mu eallimis go Canadas!! Doppe lei vuos okta bargi gii veahkehii munno dingot hotealla. Girdihapmanis hotellii valddimme busse mii galggai mannat dohko gos dat hotealla lea. muhto go ollimme bussi de lei doppe muhttin boares ahkku mii nevvodii munno viidasut ja muitalii gos galggaime molsut busse, go dat busse man valddimme ii mannage dohko gosa moai leimme jodus.. nana, dan nuppi busses moai sattaime jearrat dan busse vuoddjis gosa galggaime, gii ii aibbas sihkkarit muitan dan hotealla. ja dal boahta dat mai gohcodan ustitlaccan, busse vuoddjis ii livcce leamas makkarge geatnegasvuohta gavdnat gosa galge, muhto guitotge son vuos bissehii busse ja bijai buohkkaid vuordit go son manai olggobeallai ringet munno ovddas :DD

lasi boahta.. ferten dal viehkalit!! vehas hoahpu dan caledettiin..
in leat beassan iecan dihtorii nu ahte eai leat samgielbustavat.. ja vehas hoahppu dan caledettiin :DD

De dál de.. :D

Dál lea mus mai blogga.. in jeahke livččen goassige muđui šaddan ásahit blogga, muhto go jo lean mannamin lonohallamii Canadai Nunavutii de smihtten blogga soaihtašii hui vuogas vuohkki doallat juoganulagan oktavuođa skihpáriiguin ja eará lagašolbmuiguin..

de dál ii leat go 5 beaivve go lea vuolgga.. ja in leat šaddan álgit vel báhkketge :/